Hanuman Ashtak Lyrics

बाल समय रबि भक्षि लियो तब तीनहुँ लोक भयो अँधियारो।
ताहि सों त्रास भयो जग को यह संकट काहु सों जात न टारो॥
देवन आनि करी बिनती तब छाँड़ि दियो रबि कष्ट निवारो।
को नहिं जानत है जगमें कपि संकटमोचन नाम तिहारो॥

Bāl samay rabi bhakṣi liyo tab, tīnahuṁ lok bhayo aṁdhiyāro.
Tāhi soṁ trās bhayo jag ko, yah sankaṭ kāhu soṁ jāt na ṭāro.
Devan āni karī bintī tab, chhāṁḍi diyo rabi kaṣṭ nivāro.
Ko nahiṁ jānat hai jagmeṁ kapi, Sankaṭmochan nām tihāro.

बालि की त्रास कपीस बसै गिरि जात महाप्रभु पंथ निहारो।
चौंकि महा मुनि साप दियो तब चाहिय कौन बिचार बिचारो॥
कै द्विज रूप लिवाय महाप्रभु सो तुम दास के सोक निवारो॥
को नहिं जानत है जगमें कपि संकटमोचन नाम तिहारो॥

Bāli kī trās kapīs basai giri, jāt mahāprabhu panth nihāro.
Chaunki mahā muni sāp diyo tab, chāhiy kaun bichār bichāro.
Kai dwij rūp livāy mahāprabhu, so tum dās ke sok nivāro.
Ko nahiṁ jānat hai jagmeṁ kapi, Sankaṭmochan nām tihāro.

अंगद के सँग लेन गये सिय खोज कपीस यह बैन उचारो।
जीवत ना बचिहौ हम सो जु बिना सुधि लाए इहाँ पगु धारो॥
हेरि थके तट सिंधु सबै तब लाय सिया-सुधि प्रान उबारो॥
को नहिं जानत है जगमें कपि संकटमोचन नाम तिहारो॥

Angad ke saṁg len gaye siya, khoj kapīs yah bain uchāro.
Jīvat nā bachihau ham so ju, binā sudhi lāe ihāṁ pagu dhāro.
Heri thake taṭ sindhu sabai tab, lāy siyā-sudhi prān ubāro.
Ko nahiṁ jānat hai jagmeṁ kapi, Sankaṭmochan nām tihāro.

रावन त्रास दई सिय को सब राक्षसि सों कहि सोक निवारो।
ताहि समय हनुमान महाप्रभु जाय महा रजनीचर मारो॥
चाहत सीय असोक सों आगि सु दै प्रभु मुद्रिका सोक निवारो॥
को नहिं जानत है जगमें कपि संकटमोचन नाम तिहारो॥

Rāvan trās dayī siya ko sab, rākṣasi soṁ kahi sok nivāro.
Tāhi samay hanumān mahāprabhu, jāy mahā rajnīchar māro.
Chāhat sīy asok soṁ āgi su, dai prabhu mudrikā sok nivāro.
Ko nahiṁ jānat hai jagmeṁ kapi, Sankaṭmochan nām tihāro.

बान लग्यो उर लछिमन के तब प्रान तजे सुत रावन मारो।
लै गृह बैद्य सुषेन समेत तबै गिरि द्रोन सु बीर उपारो॥
आनि सजीवन हाथ दई तब लछिमन के तुम प्रान उबारो॥
को नहिं जानत है जगमें कपि संकटमोचन नाम तिहारो॥

Bān lagyo ur lachhiman ke tab, prān taje sut rāvan māro.
Lai grih baidya suṣen samet, tabai giri dron su bīr upāro.
Āni sajīvan hāth dayī tab, lachhiman ke tum prān ubāro.
Ko nahiṁ jānat hai jagmeṁ kapi, Sankaṭmochan nām tihāro.

रावन जुद्ध अजान कियो तब नाग कि फाँस सबै सिर डारो।
श्रीरघुनाथ समेत सबै दल मोह भयो यह संकट भारो॥
आनि खगेस तबै हनुमान जु बंधन काटि सुत्रास निवारो॥
को नहिं जानत है जगमें कपि संकटमोचन नाम तिहारो॥

Rāvan juddh ajān kiyo tab, nāg ki phāṁs sabai sir ḍāro.
Shrī Raghunāth samet sabai dal, moh bhayo yah sankaṭ bhāro.
Āni khages tabai hanumān ju, bandhan kāṭi sutrās nivāro.
Ko nahiṁ jānat hai jagmeṁ kapi, Sankaṭmochan nām tihāro.

बंधु समेत जबै अहिरावन लै रघुनाथ पताल सिधारो।
देबिहिं पूजि भली बिधि सों बलि देउ सबै मिलि मंत्र बिचारो॥
जाय सहाय भयो तब ही अहिरावन सैन्य समेत सँहारो॥
को नहिं जानत है जगमें कपि संकटमोचन नाम तिहारो॥

Bandhu samet jabai ahirāvan, lai raghunāth patāl sidhāro.
Debihiṁ pūji bhalī bidhi soṁ bali, deu sabai mili mantra bichāro.
Jāy sahāy bhayo tab hī, ahirāvan sainya samet saṁhāro.
Ko nahiṁ jānat hai jagmeṁ kapi, Sankaṭmochan nām tihāro.

काज किये बड़ देवन के तुम बीर महाप्रभु देखि बिचारो।
कौन सो संकट मोर गरीब को जो तुमसों नहिं जात है टारो॥
बेगि हरो हनुमान महाप्रभु जो कछु संकट होय हमारो॥
को नहिं जानत है जगमें कपि संकटमोचन नाम तिहारो॥

Kāj kiye baḍ devan ke tum, bīr mahāprabhu dekhi bichāro.
Kaun so sankaṭ mor garīb ko, jo tumsoṁ nahiṁ jāt hai ṭāro.
Begi haro hanumān mahāprabhu, jo kachhu sankaṭ hoy hamāro.
Ko nahiṁ jānat hai jagmeṁ kapi, Sankaṭmochan nām tihāro.

लाल देह लाली लसे, अरु धरि लाल लँगूर।
बज्र देह दानव दलन, जय जय जय कपि सूर॥

Lāl deh lālī lase, aru dhari lāl laṁgūr.
Bajra deh dānav dalan, jai jai jai kapi sūr.